Lajme

Sot në Ditën Botërore pa Makina, prej orës 13.00 deri në orën 13.30 Bulevard "Shën Gjergji" u bë i pakalueshëm për makinat, duke ia lënë të gjithë hapësirën këmbësorëve dhe biçikletarëve. Fëmijët e vegjël të kopshteve dhe të shkollave të qytetit, kanë shëtitur në mënyrë simbolike me biçikletat e tyre. Ashtu si çdo vit më 22 Shtator, me moton "Në qytet pa makinën time", Bashkia e qytetit të Korçës fton të rinjtë dhe të gjithë komunitetin, të sensibilizohen në lidhje me mjedisin dhe rëndësinë jetike të ajrit të pastër.

Veprimtaria u organizua në bashkëpunim me Drejtorinë Arsimore Rajonale.

Katër netët e Festës së Birrës në Korçë, 13-16 gusht 2009, të pushtuara na entuziazmi i qindra e mijëra njerëzve, korçarëve e të ardhurve nga rrethet e tjera si dhe mjaft turistëve të huaj, me birrën e freskët që u derdh lumë, me prodhimet e shkëlqyera të sallamerive të rajonit dhe kërnacet e traditës dhe me rritmet më të njohura të këngëve nga grupet më të njohura muzikore brenda e jashtë vendit, do të mbahen mend gjatë nga të gjithë.

Sheshi i festës u pushtua nga­ entuziazmi i të rinjve por edhe i familjarëve, të cilët­ në shoqërinë e njëri-tjetrit kaluan disa orë të gëzuara e çlodhëse, larg problemeve e monotonisë së përditshme. E veçanta e këtij viti ishte një kënd i veçantë lojrash për fëmijët, të cilët nën kujdesin e animatorëve u argëtuan përmes lojrave të shumta duke lehtësuar kështu edhe prindërit e tyre për të kaluan disa orë në festë, në freskinë dhe shijen e birrës.