Festivali Nderkombetar i Karnavaleve

Ndër grupet që do të përfaqësojnë rrethin e Korçës spikasin grupi i njohur i karnavaleve të fshatit Polenë, grupe nga teatri “Andon Zako Çajupi”, Qendra Kulturore e Fëmijëve “Mihal Grameno”, si dhe grupe të shkollave të qytetit. Përgjegjësja për projektet social -kulturore në bashkinë e Korçës, Aida Shkodrani, tha se “ky është i pari festival ndërkombëtar i karnavaleve që organizohet në vendin tonë dhe që do të zhvillohet çdo vit në qytetin e Korçës në prag të çeljes së sezonit turistik. Parada e karnavaleve do të nisë të shtunën me ceremoninë e saj në sheshin para katedrales së qytetit dhe do të vazhdojë përgjatë njërit prej bulevardeve kryesore të Korçës për të përfunduar me takimin e të gjitha grupeve pjesëmarrëse në Pallatin e Sportit.