Zjarr në një pallat, 1 i vdekur, disa të plagosur.

Një zjarr i madh ka rënë në një pallat tre katësh në qendër të qytetit të Korcës pranë shkollës 9 vjecare Naum Vexhilharxhi". Deri tani të dhënat e policisë flasin për një vdekur, një burrë i moshuar identiteti i të cilit ende nuk dihet, ndërsa janë plagosur disa të tjerë.
Flakët kanë përpirë pallatin rreth orës 13. 30 minuta ndërsa në vendngjarje kanë mbërritur 4 makina zjarrfikëse si dhe forca të shumta policie.

Sipas të dhënave të para flakët janë shkaktuar nga shpërthimi i një bombule gazi gatimi në një nga apartamentet në katin e tretë të këtij pallati, ku banonin 18 familje. Një ambulancë e cila ndodhet në vendngjarje ka shoqëruar të plagosurit në spitalin e Korcës. Policia ka mundur të evakuojë të gjithë banorët që ndodheshin në ato momente në shtëpi, ndërsa po punohet për shuarjen e zjarrit i cili rrezikon dhe pallate të tjera pranë. Në ndihmë të zjarrfikësve nga Korca për të shuar zjarrin kanë ardhur dhe zjarrfikës nga Erseka, Pogradeci dhe Devolli. Ndërkohë që është ngritur dhe një shtab emergjence.